• Dagleg leiar ved staden må ha bestått etablerarprøva og vere myndig.
• Løyvesøkjar, dagleg leiar og andre med vesentleg innverknad på verksemda må ha utvist uklanderleg vandel.
• Søkjaren må ha godkjenning frå mellom anna den kommunale bygningsmynda for å kunne drive serveringsverksemd i ein bygning. Det må til dømes liggje føre godkjend bruksendring dersom bygningen er regulert til andre føremål, og krav til parkeringsplassar må vere oppfylte.

På Altinn si side finn du ein e-guide med oversikt over kva for reglar du må forhalde deg til når du skal drive ein serveringsstad.

Altinn: e-guide for serveringsbransjen

Det må søkjast om særskilt løyve om du ønskjer alkoholservering ved serveringsstaden.

Les meir om skjenkeløyve

Søknad skal sendast elektronisk og vert behandla fortløpande. Elektronisk søknadsskjema finn du her. 

Naudsynt dokumentasjon:

• Firmaattest for selskapet som søkjer om serveringsløyve og alle andre selskap som er involvert i drifta.
• Skatteattest for søkjar, eigar og andre med vesentleg innflytelse over verksemda jf. § 6 i serveringslova.
• Bevis på at dagleg leiar har bestått etablererprøva.
• Målsett skisse som viser innandørs og eventuelt utandørs serveringsområde.
• Stadfesting på registrering hjå Mattilsynet. Skjema for registrering hos mattilsynet

I tillegg kan kommunen, dersom det er behov, krevje at det blir lagt fram leigekontrakt, finansieringsplan, driftsbudsjett og likviditetsbudsjett.

Når søknaden er motteken, vert det innhenta uttale frå politiet. Det kan også hentast uttale frå skatte- og avgiftsmynda og frå andre offentlege mynde.

Det er inntil 60 dagar saksbehandlingstid, føresett at all naudsynt dokumentasjon er motteken.

Kopi av vedtaket sendast til politiet og eventuelt andre offentlege instansar som kan ha interesse av vedtaket.

Dersom du er misnøgd med vedtaket, kan du klage til kommunen innan ein frist på tre veker frå du tok imot det. Forklar kva du er misnøgd med og kvifor du meiner at vedtaket bør endrast. Dersom du treng rettleiing, kan du vende deg til kommunen. Dersom kommunen lèt vedtaket stå, blir saka sendt vidare til Fylkesmannen, som avgjer om klaga skal bli teken til følgje.

Det kan verte endringar i løyvet fleire gonger i løyveperioden. Dette kan vera til dømes skifte av dagleg leiar, endringar i driftskonsept og endringar i eigarforholda. Slike endringar krev ofte ny godkjenning, eventuelt eit nytt løyve.

Løyvehavar plikter utan ugrunna opphald å melde frå ved:

• Skifte av dagleg leiar
• Andre endringar i personkrets jf. serveringslova §§ 6 og 7
• Innstilt drift av serveringsstaden

Tek du over ein serveringsstad, må du søke om eige serveringsløyve så fort som mogeleg og seinast innan 30 dagar etter avtale om overdraging vart inngått.

Ved søknad om nytt løyve etter overdragning må all naudsynt dokumentasjon leggjast ved, samt avtala om overdragning mellom deg og den parten du overtek for.

Løyet gjeld berre for serveringsstaden og løyvehavaren som er oppgjeve i vedtaket. Dersom du ynskjer å opne ein ny serveringsstad i tillegg til den du allereie har løyve for, må du søkje om nytt løyve for den nye staden. Ein kan ha fleire serveringsløyver.