Det skjer allereie utruleg mykje bra i Vang. Bulystteamet har som oppgåve å kartlegge tidlegare og eksisterande bulysttiltak, avdekke behov og prioritere nye tiltak, og koordinere bulystarbeid i Vang i samarbeid med både næringsliv, organisasjonsliv og eldsjeler. 

Kontakt bulystteamet

Du kan kontakte teamet om du har spørsmål eller innspel om arbeid, bustad eller sosiale nettverk og fritidsaktivitetar i Vang, så vil vi hjelpe deg så godt vi kan:

Marte Tangen, dagleg leiar på Frivilligsentralen, skal sørge for godt samspel med foreiningslivet og dei flotte tilboda som frivillige lag allereie skapar i Vang.

• frivilligsentralen@vang.kommune.no // 46 81 64 73

Erling Oppheim, næringsrådgivar, har overblikk over arbeidsmarknaden og bustadsituasjonen i Vang.

• erling.oppheim@vang.kommune.no // 95 17 25 95

Solfrid Jordalen Jægersborg, HR-leiar i kommunen, har oversikt over ledige jobbar i kommunen og tiltak som kan gjennomførast på arbeidsplassen.

• solfrid.jordalen@vang.kommune.no // 90 36 71 72

Marta Bjørnøy Lalim, kommunalsjef for utdanning og kultur, har overblikk over kulturlivet og skule/barnehage, som er viktige delar av satsinga.

• marta.bjornoy.lalim@vang.kommune.no // 97 75 66 65

Anastasia Glæsel, programrådgivar på læringssenter, som speler ei viktig rolle i arbeidet med utdanning og inkludering av flyktningane som blir busett i Vang.

• anastasia.glesel@vang.kommune.no // 46 74 42 87

f.v. Marte Tangen, Marta Bjørnøy Lalim, Solfrid Jordalen, Erling Oppheim

Kvifor bu i Vang?

Det er mange gode grunnar til å bu i Vang! Her er eit lite utval:

• Ei storstilt satsing på barn og unge!
• Ein kombinert barne- og ungdomsskule med ca 200 elever. Nyrenovert med den nye fleirbrukshallen Vangshallen, med klatrevegg, basseng etc. Tolærarsystem, slik at det nesten alltid er to lærarar tilstades i klasserommet. Skulen nyttar Vang sin flotte natur mykje, både ved uteskule, faget FRI-NAT (friluftsliv og natur), og spanande utflukter. I Vang er SFO gratis for alle barn!
• Vang kommune har to barnehagar, Høre og Fredheim, begge har småbarns- og storbarnsavdeling. I Vang er det løpande barnehageopptak (start når det passar dykk!) og frå august 2024 er månadsprisen per barn 1500 kr.
• Helse og omsorgstenester av god kvalitet.
• Vang kommune har personalbustadar til leige, med butid opptil 3 år.
• Byggeklare tomter fleire stadar i kommunen, alle med fantastisk utsikt!
• I Vang finn du 2 solide kontorfellesskap, Kontorfellesskapet 1724 og Synshagen Næringspark Gjer som fleire andre og ta med deg arbeidet til Vang!
• Både i Vang og resten av Valdres finn du eit yrande kulturliv, der tradisjon står i høgsete,  med blant anna tradisjonsmat, tradisjonsmusikk, tradisjonshandtverk og aktiv stølsdrift. Vang kommune har også ein god kulturskule med stort utval av tradisjonelle og moderne aktivitetar.
• I Vang står lag og foreiningar sterkt, her finn du aktivitetar for einkvar smak. Du finn alt om foreningsliv og fritidstilbod i Vang Foreningsportal
• Vang har ein storarta natur som innbyr til friluftsliv sommar som vinter, er du glad i turar, ski, jakt og fiske så er dette staden for deg!  Vang blir sagt å ha "vestlandsfjell med austlandsklima", og er ei bygd med landbruk, gründarar, turisme og næringsliv i eit levande og inkluderande bygdesamfunn. I Vang finn du også store delar av Jotunheimen og ikkje minst festivalen Vinjerock
• I Vang har dei fleste kort avstand mellom arbeid, barnehage og skule. Her kan du leve eit så roleg eller så aktivt liv som du sjølv ynskjer, i ei distriktskommune med positiv folketalsutvikling.
• Meir info om korleis det er å bu i Vang finn du på VangiValdres
• Meir info om arbeids- og bustadsmarknaden Valdres finn du på VelgValdres