Eg har fått tilsynsgebyr – spreidd avløp, kva er det?
Alle som har eit privat avløp vil bli fakturer eit årleg tilsyns gebyr. Tilsynet er ei lovpålagt oppgåve for alle kommunar i Norge. Les meir om dette her: https://www.vang.kommune.no/nyhende/informasjon-om-tilsynsgebyr-spreidde-avlop.11397.aspx

Det har ikkje vore feiar hos meg, kvifor får eg likevel faktura for feiegebyr?
Feietenesta blir gjennomført etter forskrift om brannforebygging kapittel 4. Piper skal feiast etter behov. Kommunen skal føre tilsyn og vurdere behovet for feiing i kvar einskild pipe. Det betyr at feiing ikkje blir utført kvart år. Kommunen har og ansvar for feiing og tilsyn med fyringsanlegg i fritidsbustader.

Vang kommune fakturerer feie- og tilsynsgebyr kvart år som ei á konto betaling, i staden for at det blir ein større faktura etter kvart besøk. 

Ved spørsmål om feiing eller klage på utført teneste må du kontakte Valdres brann- og redningstjeneste IKS.

Les meir om dette her: https://www.vang.kommune.no/tenester/landbruk-og-teknisk/brann-rednings-og-feiarvesen/

Eg har ikkje eldstad, kvifor får eg feiegebyr?
Dersom du ikkje har eldstad, kan du søkje om fritak for feie- og tilsynsgebyr. Skjema finn du her:
https://www.valdresbrannvesen.no/media/1224/skjema-fritak-for-feie-og-tilsynsgebyr-vbr-01.pdf

Har du fleire spørsmål om fritak frå feiing, kan du ta kontakt med Valdres brann- og redning.

Eg ønskjer avtalegiro – korleis ordnar eg dette?
Avtalegiro opprettar du sjølv i nettbanken din.

Det står feil adresse på meg – kor kan eg endre dette?
Send ein e-post til post@vang.kommune.no med opplysningar om gards- og bruksnummer, samt den nye adressa di.

Om du ikkje finn svara du leitar etter her, er det berre å ta kontakt med oss.
post@vang.kommune.no