Utvikling av betalingssatsar i Vang kommune

Vang kommune justerer årleg dei kommunale betalingssatsane for å sikre ei berekraftig drift av tenestene våre og for å møte endringar i kostnadsnivået. Målet er å tilby gode og stabile tenester til innbyggjarane, samtidig som kommunen har ei sunn og føreseieleg økonomisk styring. 

Kvifor blir satsane justerte? 

Det er fleire årsaker til at kommunen må regulere prisane: 

• Auka kostnader: Prisvekst på varer, tenester og energi påverkar drifta av kommunale tilbod som barnehage, SFO, helse- og omsorgstenester, renovasjon og vatn/avløp. 
• Lovpålagde krav: Endringar i nasjonale reglar og standardar kan krevje nye investeringar eller høgare driftskostnader. 
• Vedlikehald og utvikling: Kommunen må sikre at bygg, anlegg og teknisk infrastruktur blir haldne i god stand, og at tenestene utviklar seg i takt med behova i samfunnet. 

Slik blir satsane fastsette 

Betalingssatsane blir behandla og vedtekne av kommunestyret som ein del av det årlege budsjettarbeidet. Administrasjonen legg fram faglege vurderingar og kostnadsgrunnlag, og politikarane tek endeleg stilling til nivået på dei ulike satsane. Det er lagt opp til ei auke i satsane frå 2025 på 4% i dei fleste gebyra og avgiftene med unntak for kommunale avgifter innan Vatn og Avløp der endringane utgjer mellom 9-19% frå 2025 til 2026. 

Kva betyr dette for innbyggjarane? 

For dei fleste tenester vil justeringane vere moderate og i tråd med den generelle prisveksten i samfunnet. Kommunen arbeider for at endringane skal vere føreseielege og godt kommuniserte, slik at innbyggjarane kan planleggje økonomien sin.

Oppdaterte satsar blir publisert på kommunen si heimeside. 

Fakturarutiner i 2026

Frå og med 01.01.2026 blir kommunale avgifter fakturert fire gonger i året i staden for to. Det betyr at du vil få faktura kvartalsvis, altså ein gong kvart kvartal. 

Kvifor gjer vi denne endringa?

Denne endringa blir gjort for å:

• Gje betre oversikt og føreseielegheit i økonomien for deg som innbyggjar
• Redusere storleiken på kvar enkelt faktura
• Gjere det enklare å planleggje betalingar

Kva betyr dette for deg?

• Du vil få faktura i: februar, mai, august og november.
• Kvar faktura vil dekke ein firedel av dei årlege avgiftene
• Forfallsdato vil vere som før: 30 dagar frå fakturadato

Dersom du har avtalegiro eller eFaktura, vil dette halde fram som normalt - du treng ikkje gjere noko. 

Har du spørsmål?

Ta gjerne kontakt med servicetorget i kommunen på 613 69 400 eller post@vang.kommune.no, så hjelper vi deg.