Vang kommune inviterer til ope møte om kommunedelplan for naturmangfald.
Måndag 6. mai kl. 19-21 på Vang barne- og ungdomsskule(auditoriet)
Asplan Viak er innleigd for å hjelpe kommunen med utarbeiding av kommunedelplan for naturmangfald, og vil presentere grunnlag for arbeidet og døme på korleis det kan sjå ut når det er ferdig.
I møtet vil det bli eit opplegg for å dele innspel og kunnskap mellom alle frammøtte, som òg vil danne eit grunnlag for arbeidet vidare.
Program:
Innleiing ved kommunen (nasjonale og internasjonale forpliktingar)
Presentasjon ved Asplan Viak (kunnskapsgrunnlag, døme, arbeidsmetode)
Andre innlegg
Naturverkstad med deltakarane (gruppearbeid)
· Kva kjenneteiknar naturen i Vang – ulike døme, ulike stadar?
· Kva for artar og naturtypar er ikkje registrert i offentlege basar?
· Kva truar naturen i Vang – kva er mest sårbart?
· Kva er viktig å ta vare på?
· Korleis kan utbygging ta omsyn til natur?
· Korleis kan Vang kommune forvalte naturen best mogleg?
For å få eit best mogleg grunnlag treng vi innspel på kvar det er manglande kunnskap om naturmangfaldet i kommunen.
Påmelding til kristian.lindseth.flaa@vang.kommune.no innan fredag 3.mai.
Bakgrunn:
Arbeidet med kommunedelplan for naturmangfald er fastsett i planprogram vedteke av kommunestyret i Vang 16.06.2022. Planprogrammet gjev føringar for arbeidet med planen.