Føremålet med reguleringsplanen er å regulere nye byggeområde vest for Tørisheisen med tilhøyrande tilkomstvegar og planfrie kryssingar, skinedfartar og langrennstrasear. Planen vil og regulere eksisterande næringsområdet på Filefjellstuene med omkringliggjande areal, samt eksisterande fritidsbustadar i Synhaug, Vesleåne og på Grøvstølen. Ferdig utbygd planområde estimerer om lag 500 nye einingar fordelt på større/mindre fritidsbustader og leilegheiter.

HU- 023/25 Vedtak:
"Hovudutval for utvikling støttar seg på vurderingane som er gjort i saka og legg «Detaljregulering Synhaug-Vesleåne» med planid: 2023003 ut til høyring og offentleg ettersyn etter plan- og bygningsloven §§ 5-2 og 12-10. Hovudutvalet presiserer at parkeringsplass P1 takast ut av plankartet før høyring og at det er kommunens forslag til reviderte føresegn som fylgjer saka vidare. I høyringsperioden skal det gjennomførast eit ope møte for å sikre god medverknad til planforslaget. 

Før høyring og offentleg ettersyn skal følgjande bli lagt til føresegnene:
Tillegg til 2 d): Vann- og avløpsledninger skal som utgangspunkt ikke etableres i myr. Der det ikke finnes gode alternative traseer utenom myr skal graving avgrenses til et minimum. Kommunen skal godkjenne alle infrastrukturtiltak som kommer i konflikt med myr innenfor arealforemål skianlegg, turdrag og fritidsformål.

Nytt punkt 2f): Der vegtiltak skal etableres på registrerte myrområder skal det benyttes kavlelegging. Myrmassene skal ikke tas ut, men komprimeres. Og tillegg til 4.1.9: Det er likevel ikke tillatt med tiltak på myr innenfor dette arealformålet. Unntaket er etablering av snøproduksjonsanlegg, der det ikke er mulig å finne egnede traseer utenom myr."

NB: Parkeringsarealet “P1” ligg inne på vedlagte plankart, men er take vekk i kartet som ligg på kommunens kartløysing.

Merknader til planforslaget sendast skriftleg til Vang kommune, Tyinvegen 5161, 2975 Vang i Valdres, eller pr. e-post: post@vang.kommune.no. Merkast med saksnr. 23/381. Frist for å koma med merknad er sett til måndag onsdag 30.07.25.