• Skjema for rekvisisjon av oppmålingsforretning

Her er lenkje til godkjent skjema: Rekvisisjon av oppmålingsforretning og matrikkelføring

Skjemaet må signerast av dei tinglyste eigarane til eigedomen som bestiller. Dersom nokon andre skal bestilla på vegner av eigarane, må fullmakt leggjast ved. 

• Kart 

Det må leverast datert kart med markering av kva grenser som skal gås opp, samt dei eksisterande eigedomstilhøva. Kartet må vere av nyare dato og vise dagens situasjon.

Du kan hente situasjonskartet frå Origo/Kommunegis. Sjå også rettleiing under “Kor kan eg hente ut situasjonskart?”

• Eventuelt anna relevant dokumentasjon

Legg gjerne ved skylddelingar, målebrev og annan dokumentasjon om grenser som kan vera til hjelp i oppmålingsforretninga. 

• Eventuelt annan informasjon

Til dømes informasjon om at klarlegginga er bestilt som følgje av krav i søknad om byggeløyve.

• Ønskja datoar/periodar for oppmålingsforretning

Det er fint om du oppgjeve aktuelle datoar/periodar det kan passa med oppmålingsforretning. Landmålar vil da forsøke så godt det lar seg gjere å leggje forretninga i ei av desse tidene. Minst 2 veker før forretninga finn stad, vil rekvirent og andre partar få varsel om oppmålingsforretning. 

E-post:

post@vang.kommune.no

Postadresse eller levering for hand på kommunehuset:

Tyinvegen 5161

2975 Vang i Valdres

Kommunen har frist for å utføra saken innan 16 veker.  I perioden mellom 1. november til 15. mai stoppar kommunens frist, grunna kommunens vinterforskrift. 

Minst 2 veker før forretninga finn stad, vil rekvirent og andre partar få varsel om oppmålingsforretning.

Rekvirent (den som bestillar) får matrikkelbrev når saka er ferdig. Andre partar får beskjed om det er endringar i kartet etter oppmålingsforretninga. 

Gebyrliste 2026: Gebyrliste

Du kan hente situasjonsplan frå Origo/Kommunegis.  

Val av kart

Inne i kartportalen kan du velje kartfavorittar, her er det definert ulike kart på førehand til ulike behov: 

Ein kan også leggje til frå laglista dersom det er andre relevante lag som ikkje ligg i kartfavorittar. 

Oppe i høgre hjørne kan du velje utskrift lagre kartet:

Etter det kan du lagre resultatet på din datamaskin.

Teikne inn markeringar før utskrift

Før du skriv ut kan du teikne inn mål, markeringar osv. , knappen finn du oppe til høgre

I hovudsak den eller dei som er registrert som tinglyst eigar. 

Ei oppmålingsforretning går ut på å klarleggja og skildre grenser og rettar knytt til fast eigedom. Vanlegvis blir grensene viste, merkte og målte ute i marka.

Det er opp til partane sjølve å bli samde om kvar det eksisterande grenseforløpet går, basert på dokumentasjon/skylddelingar og kva me finn i marka. Landmålar vil leie forretninga og rettleie partane så godt som mogleg. 

I samband med forretninga blir det skrive ein protokoll. Protokollen er eit referat over kva partane har blitt samde om. Skildringa i protokollen kan avklara eventuelle uklare eigedomstilhøve for framtidige eigarar.  Den vil vera viktig dokumentasjon dersom det seinare skulle oppstå tvist om eigedomen.

Matrikkellova og matrikkelforskrifta 

Matrikkellova § 17

Matrikkelforskrifta § 36