Føremålet med planarbeidet er å fylgje opp mål og strategiar i kommuneplanen sin samfunnsdel og langsiktig arealstrategi. Viktige tema i arbeidet er planvask, bustad, fritidsbustad, nye næringsareal og tiltak i LNFR-område. Planprogrammet kan ein lesa her: Planprogram Kommuneplanens arealdel (2027-2039).pdf (PDF, 3 MB)
Planarbeidet vil bli ein full revisjon av kommuneplanens arealdel og fylgjande tema er sett som prioritert/ynskja innspel:
- areal for bustad innanfor satsingsområda Vang sentrum og Ryfoss
- ynskjer om avsett areal for spreidd bustadbygging
- næringsareal til ulike føremål
- areal for fritidsbustadar
- areal til aktivitet som aukar attraktivitet og er positivt for folkehelsa til innbyggjarar og turistar/gjester
Innspel til areal skal leverast via innspelsportal som du finn her: https://arcg.is/un94m
Det blir eit ope møte i Auditoriet på VBU torsdag 25. juni kl. 1900-2100 om arbeidet med kommuneplanens arealdel og planvask.
Merknader til varsel om oppstart og planprogrammet sendast skriftleg til Vang kommune, Tyinvegen 5161, 2975 Vang i Valdres, eller pr. e-post: post@vang.kommune.no. Merknad merkast med saksnr. 26/307. Frist for å koma med merknad er sett til fredag 21. august 2026.