Undersøkinga handlar mellom anna om trivsel, kommunale tenester, tryggleik og tillit til kommunen. Svara er anonyme og gir kommunen viktig kunnskap for å kunne halde fram med å gi gode og treffsikre tenester til innbyggjarane. 

Nokre har opplevd feil i språk i undersøkinga, til dømes at enkelte ord er feil omsette. Dette skuldast automatisk omsetjing i nettlesaren til den som svarar. Vi tilrår difor å slå av auto-omsetjing for å få opp korrekt tekst.

Vi håpar så mange som mogleg tek seg tid til å delta og dele sine erfaringar og meiningar. 

Dersom du av ulike grunnar har utfordringar med å svare digitalt, er du velkomen til å ta kontakt med kommunen. Då kan du få høve til å fylle ut undersøkinga på papir ved kommunehuset.