Vang Energiverk skal reinvestere den gamle 22 kV-linja forbi Kviture. Arbeidet er planlagt å starte 15. september og vil halde fram utover hausten, truleg fram til slutten av november eller til frosten set inn for alvor.

I samband med arbeidet skal det gravast ned kabel i vegbanen frå Leine til Tøso. Entreprenør for gravearbeidet er Brødr. Dokken AS.

Arbeidet vil medføre at vegen blir stengd i periodar fram til prosjektet er ferdigstilt. Endeleg plan for når vegen blir stengd, og kor lenge stengingane vil vare, blir fastsett av entreprenøren i samråd med vegdrifta og Statens vegvesen.

Vang Energiverk opplyser at dersom det skulle oppstå ras på austsida av Vennis, er planen å kunne avbryte arbeidet og opne vegen att på relativt kort varsel.