Vang kommune varslar med dette oppstart av planarbeid for 10 reguleringsplanar jf. plan- og bygningslova §§ 12-8 og 12-14.

Vang kommune har nyleg vedteke kommuneplanen sin samfunnsdel(2025-2040) og skal no i gang med revidering av kommuneplanens sin arealdel. Dette er eit omfattande arbeid som vil få stort fokus i kommunen dei komande åra.

Bakgrunnen for varsel om oppstart av planarbeid på 10 reguleringsplanar er at det i samband med revideringa av arealdelen skal gjerast ei individuell vurdering av alle vedtekne reguleringsplanar i kommunen. I prosessen vil nokre
reguleringsplanar bli vurdert vidareført, nokre vidareført med vilkår om t.d. kartlegging av naturfare, naturmangfald eller utarbeiding av vatn- og avløpsplan, og nokre bli oppheva.

I kommuneplanen sin samfunnsdel vedteke 23.10.25 ligg fylgjande føringar til grunn for planarbeidet:

«Det skal vurderast om det er føremålstenleg å vidareføre vedteke arealbruk i høve til samfunnsnytte og ny kunnskap om naturfare, klimaendringar, vassmiljø og naturmangfald…»

… Eldre reguleringsplanar som ikkje er i samsvar med ny kunnskap eller som har liten
samfunnsnyttig verdi skal vurderast oppheva.»

Kommunen varslar i fyrste runde oppstart av planarbeid på 10 reguleringsplanar(sjå liste nedanfor). Felles for desse er at dei er av litt eldre dato og i liten grad er realisert etter vedtak. Planarbeidet skal vurdere om vedteken arealbruk skal vidareførast etter ei vurdering opp mot nasjonale føringar og forventningar og lokale prioriteringar.  Vidare har Regjeringa klare forventningar til kommunane om å vurdere om vedteke arealbruk som ikkje er realisert er vidare aktuell for utbygging. 

Nasjonale forventningar til regional og kommunal planlegging 2023-2027 forventning (nr. 47) seier
fylgjande:

«Ved revidering av kommuneplanens arealdel, vurderer kommunen om tidligere godkjent arealbruk skal endres av hensyn til klima, naturmangfold, kulturmiljø, jordvern, reindrift, klimatilpasning, samfunnssikkerhet og et hensiktsmessig utbyggingsmønster.»

Det blir varsla oppstart av planarbeid for fylgjande 10 arealplanar(link til dei einskilde planane fylgjer):

• 0545B002 Raudalen H4 (bebyggelsesplan), vedteke i 1995 - https://arealplaner.no/vang3454/arealplaner/3?term=raudalen
• 0545R005 R5 Eidsbugarden – Fondsbu, vedteke i 1995 - https://arealplaner.no/vang3454/arealplaner/18?term=fondsbu
• 0545R014 R14-Mellvika, vedteke i 1998 - https://arealplaner.no/vang3454/arealplaner/27?term=mellvika
• 0545R017 Raudalen alpintanlegg, vedteke i 2003 - https://arealplaner.no/vang3454/arealplaner/30?term=raudalen
• 0545R034 Jevneshaugadn, vedteke i 2004 - https://arealplaner.no/vang3454/arealplaner/44?term=jevneshaugadn
• 0545R041 Langebakke, vedteke i 2005 - https://arealplaner.no/vang3454/arealplaner/49?term=langebakke
• 0545R047 Raudalen S2, S3 og S4, vedteke i 2006 - https://arealplaner.no/vang3454/arealplaner/53?term=raudalen
• 0545R050 Syndislie, vedteke i 2006 - https://arealplaner.no/vang3454/arealplaner/56?term=syndislie
• 0545R059 Høgsten 2010, vedteke i 2010 - https://arealplaner.no/vang3454/arealplaner/64?term=h%C3%B8gsten
• 0545R062 Fossebakken, vedteke i 2007 - https://arealplaner.no/vang3454/arealplaner/67?term=fossebakke

Framdriftsplan og medverknad
Kommunen vil vurdere dei respektive planområda vinteren/våren 2026 saman med ekstern fagkompetanse. Det vil bli opne møter i samband med planarbeidet som vil bli varsla i god tid i forkant.

Eventuelle merknadar til varsel om oppstart må sendast til kommunen innan 26.01.2026. Merknader til varsel om oppstart sendast skriftleg til Vang kommune, Tyinvegen 5161, 2975 Vang i Valdres, eller pr. e-post: post@vang.kommune.no. Merknad merkast med saksnr. 25/877. Frist for å koma med merknad er sett til måndag 26. januar 2026.