Dette er ein journal som er etablert på sentralt hald for alle (men det er mogleg å reservere seg). Journalen inneheld opplysningar om nære pårørande, kontakt med spesialisthelsetenesta og faste medisinar som er take ut på apotek. Men kanskje viktigast er at det bør leggjast inn såkalla Kritiske opplysningar. Dette gjeld t.d. alvorlege allergiar, alvorleg reaksjon på medikament og liknande, og viktige sjukdommar som helsepersonell bør kjenne til i ein kritisk situasjon. Dette kan fastlegen gjere, eller ein sjukehuslege som diagnostiserar noko slikt. Du kan sjølv legge inn opplysningar om sjukdommar du har.

Få tilgang til kjernejournalen din: helsenorge.no

Valdres lokolmedisinske senter ligg på Fagernes. Her er tenester som Valdres-regionen samarbeider om: Legevakt, legevaktsentral, jordmortjeneste og intermediæravdeling med døgnkontinuerlig øyeblikkelighjelp tilbod.

I tillegg leiger Innlandet fylkeskommune areal til Valdres tannklinikk og sjukehuset Innlandet leiger areal til spesialistpoliklinikk, dialyse og røntgen.

Nettsider: Valdres lokalmedisinske senter

Du har krav på å få dekt reiseutgifter til undersøking og behandling hos lege, frådrage ein eigendel.

Digital søknad: Logg inn på helsenorge

Søknad på papir: Last ned søknadsskjema

Du kan sjå kven du har til fastlege, og byte fastlege, på Helsenorge.no eller ringe Helsenorge. Journalen din vil ikkje bli automatisk overført til den nye fastlegen. Om du ønskjer at den nye legen skal få tilgang til journalen din, må du ta kontakt med din tidlegare lege og be han eller henne sende journalen din til ny lege. Dette er ei teneste som du må betale for, og det blir ikkje dekt av eit evt. frikort.

Finn informasjon om fastlegen din: Helsenorge.no

Kontakt Helsenorge på telefon: 23 32 70 00

Legekontoret utfører influensavaksinering av folk i risikogruppa kvar haust. I tillegg er det tilbod om reiserådgiving og vaksinering for utanlandsreiser. Dei mest nytta vaksinane finst på lager på legekontoret. Men du bør tinge time i god tid før reisa, for fullvaksinering mot nokre av sjukdommane kan ta tid.

Vaksinar blir rapportert til det statlege registeret SYSVAK. Du kan reservere deg mot slik rapportering.

Vaksinering er førebyggjande helsearbeid og blir ikkje registrert i frikortsystemet. Du må altså betale heile kostnaden sjølv.

Betalt eigendel for legeteneste blir registrert i HELFO, og når du har betalt eit beløp som blir fastsett sentralt for kvart kalenderår, får du tilsendt frikort. Dette gjeld også for reise til og frå behandling.

Legekontoret har betalingsautomat. Du betalar med kontantar (med høgste pålydande verdi kr 200,-) eller betalingskort. Om du ønskjer å få tilsendt faktura, må du betale eit gebyr. Hugs at det kan vere nytta utstyr, medikament el.l. som du må betale for, sjølv om du har frikort.

Vaksinering, førerkortattestar og andre attestar er ikkje omfatta av refusjonsordninga i HELFO og må betalast for, sjølv om du har frikort.