Vang kommune har relativt nyleg vedteke revidert kommuneplan – samfunnsdel – kor eit av hovudmåla er: 
«Vang skal ha eit variert og innovativt næringsliv.»

Prioriterte satsingsområde er mellom anna:

• Fremje eit mangfaldig og konkurransedyktig næringsliv.
• Styrke landbruket med vekt på husdyrhald, lokal ressursutnytting og vidareforedling.
• Leggje til rette for nyetableringar og attraktive arbeidsplassar.
• Utvikle Tyinkrysset og Filefjell som heilårs reiselivsdestinasjon.
• Utarbeide ein strategisk næringsplan.
• Legge til rette utvikling av 20 nye arbeidsplassar i året fram mot 2040.
   

Vang kommune har god kontakt mot og samarbeider tett med Valdres Næringshage, Valdres Natur og Kulturpark, Visit Valdres og eksisterande næringsliv i både Vang, Valdres og verda ellers.

Via næringsfondet er det høve til å søkje om støtte til tiltak, aktivitetar, prosjekt og satsingar som fremjar nærings- og samfunnsutvikling i kommunen vår.  I tillegg er det høve til å søkje om tilskot til ENØK-tiltak og næringsstipend.

Landbruket er som nemnt ei viktig næring. Landbruksverksemdene kan og søkje om kommunalt tilskot til ulike føremål. 
Nærare info om ordninga og retningslinjar finn du her: Kommunalt tilskot til landbruksføremål  (PDF, 541 kB)

Ta kontakt med næringsrådgjevar Erling Oppheim om du har spørsmål om næringsutvikling i Vang