Kriterium
- Det er visse vilkår i ekteskapslova som må vere oppfylte for at ein skal kunne gifte seg. Sjå kapittel 1 i ekteskapslova.
Vigselsstad/ Pris
- Tilbodet er gratis dersom minst ein av brudeparet bur i Vang. Dette gjeld sjølv om du for tida er busett i utlandet. Vigslar gjennomførast då som hovudregel på kommunehuset i Vang mellom kl. 12-16 fredagar.
- Ønskjer du å leggje seremonien til eit tidspunkt eller ein stad som krev meir tid av den kommunale vigslaren, må du rekne med å dekkje tilleggskostnader sjølv. Ta ev. kontakt for meir opplysningar og avtale.
- For vigslar som fell utanom lovbestemt gratis vigsel, har kommunestyret fastsett følgjande prinsipp for utgiftsdekning:
- Vigsel på kommunehuset 500 kr
- Vigsel stader i Vang kommune 1000 kr
- Dekking av faktiske utgifter, til dømes skyssutgifter.
Rettleiing
- Før de giftar dykk, må Skatteetaten sjekke om de oppfyller vilkåra for å inngå ekteskap. Det vil seie at de må sende inn ein del papir. Det vil truleg vere ei viss behandlingstid, så start førebuing i god tid før bryllaupet:
- Eigenerklæring
- Forlovarerklæring
- Erklæring om skifte dersom du har vore gift før
- Melding om endring av namn dersom du skal bytte namn
- Alle desse skjema får du hos Skatteetaten.
- Skatteetaten skriv ut ein såkalla prøvingsattest, som viser at de oppfyller vilkåra for å inngå ekteskap.
- Etter at de har fått prøvingsattesten, kan de ta nærare kontakt med kommunen.
- De må ha gyldig legitimasjon for å tinge vigsel hos kommunen.
- De må ha to vitne, jf. forlovarerklæring, som må vere til stades under seremonien.
- I sjølve seremonien nyttar ein «Det borgarlege vigslingsformularet», som er ein tekst som vigslaren les opp. Seremonien kan etter nærare avtale tilpassast med til dømes tekst og musikk i tillegg.
- Kommunen sender deretter vigselsmelding til Folkeregisteret innan tre dagar etter bryllaupet med kopi til brureparte. Meldinga er førebels vigselsattest inntil vigseldsdokumentet kjem frå Folkeregisteret. '
Me oppfordrar til å bruke E-dialog for sikker sending av dokument som inneheld sensitive opplysningar.