Kommunen har ledig inntil 100% legestilling ved Vang legekontor frå 01.09.2010. Kommunen har om lag 1600 innbyggjarar + asylmottak på inntil 150 plassar. Det er 3 stillingar/heimlar for fastlege. Ei av stillingane er besett og ei er betent av turnuslege fram til stillingsinnehavar kjem hausten 2011.
Legekontoret har moderne og velutstyrte lokale i Vang sentrum, med erfarne og stabile medarbeidarar. Kontoret har fellesliste med for tida 1515 pasientar, men potensiale for auke til om lag 1550. Stillinga har ansvar for helsestasjon og skulehelseteneste og betener sjukeheimen med for tida ca 10% stilling, planlagt auka til ca 15%. All helseteneste utanom pleie og omsorg er lokalisert i same bygning med gode samarbeidstilhøve.
18-delt vakt på natt- og helgetid i samarbeid med dei andre 6 kommunane i Valdres (befolkning om lag 19.000), lokalisert på Fagernes. For tida 5-delt heimevakt kl 15-22 måndag - torsdag i samarbeid med Vestre Slidre kommune.
Søkjarar må beherske norsk/skandinavisk språk, både skriftleg og munnleg. Gode lønstilhøve med fast løn pluss bonus av pasientinntektene. Privat praksis kan diskuterast. Kommunen skaffer bustad. Tilsetjing på ordnære vilkår som gjeld til ei kvar tid i kommunal sektor.
Nærare opplysningar hjå kommuneoverlege Sidsel Offergaard Jevne på telefon 61368534 eller 97177914.
Søknad på legeforeningen sitt søknadsskjema med attestert dokumentasjon og referansar blir å senda til Vang kommune, rådmannskontoret, 2975 Vang i Valdres innan 20. august 2010