Visjon :
Vang kommune skal vera ein god kommune å bu og vekse opp i, med gode tenestetilbod og aktive lokalsamfunn der kultur, nærleik, tradisjonar, mangfald og samarbeid står i fokus. Innbyggjarar og tilreisande skal oppleve trivsel og ei kjensle av å høyre til. Vi skal vera aktive i høve til endringar i samfunnet, ta grep om eiga utvikling og ha tru på framtida.
Mål for næringspolitikken i Vang:
Vang kommune skal prioritere arbeidet med næringsutvikling, med særleg vekt på:
Variert og konkurransedyktig næringsliv
Vidareutvikling av reiselivsnæringa
- knoppskyting av eksisterande bedrifter og nyetablering
- samarbeid mellom landbruk og reiseliv
· Vidareutvikling av anna næringsliv- kompetansearbeidsplassar
· Etablering av eigen arbeidsplass- entreprenørskap
• Å få utdanna arbeidstakarar attende til Vang
Vang kommune har store inntekter frå vasskraftutbygging, og dermed økonomiske ressursar til å gje vesentleg støtte til næringsutvikling - både i form av kommunal infrastruktur og direkte tilskot.
Kommunen budsjetterer med om lag 2 millionar kroner årleg til tiltak knytte til næringsutvikling.
Dersom De kunne tenkje dykk å etablere næringsverksemd i Vang kommune, er De velkomen til å ta kontakt med ein av dei nemnde personane:
Ordførar Vidar Eltun
Rådmann Reidar Thune
Næringskonsulent Ottar Haugen
Tlf. 61 36 94 00
Epost: post@vang.kommune.no
Vang kommunestyre har vedteke
Retningsliner for bruk av tilskot til næringsutviklingsarbeid i Vang kommune:
(Sist reviderte etter kommunestyrets vedtak 29.09.11)
1.FØREMÅLET MED BRUK AV TILSKOT TIL NÆRINGSUTVIKLINGSARBEID:
Vang kommune ynskjer gjennom denne ordninga å stimulere og styrke det lokale tiltaksarbeidet. Pengane som er løyvde til formålet er eit verkemiddel i arbeidet for å styrke næringsliv og busetting i kommunen.Vang kommune ynskjer gjennom denne ordninga særleg å støtte fylgjande tiltak:
• Tiltak for å lage ny verksemd og nye arbeidsplassar på grunnlag av lokale ressursar
• Tiltak som sikrar arbeidsplassar i eksisterande verksemd, herunder nyinvesteringar/ utvikling av eksisterande næringsverksemd
• Spesielle tiltak for å auke sysselsettinga blant kvinner
• Tiltak for arbeidsplassar spesielt for ungdom
Ordninga gjeld ikkje stønad til investeringar i landbruket
(jordbruk,skogbruk og pelsdyrnæring som blir omfatta av særskilte tilskottsordningar),
dersom ikkje særlege grunnar talar for dette.
2. BRUK AV MIDLANE:
Tiltak som vil vera aktuelt å støtte med tilskot gjennom denne ordninga kan vera:
• Oppstarting og etablering av ny verksemd som vil gje nye arbeidsplassar i kommunen
• Undersøkingar og planlegging i samband med etablering av nye verksemder
• Nyinvesteringar/utvikling av eksisterande næringsverksemd
• Ulike typer opplæringstiltak for nyetablerarar
• Pionerprosjekt/prøveprosjekt
• Forsknings- og undersøkingsanalyse
• Ulike typer fellestiltak innan ei eller fleire næringar
• Informasjons- og PR-arbeid
Midlane kan ikkje brukast til sletting av gjeld eller til å finansiere den ordinære drifta av verksemda, eller til å finansiere vedlikehaldskostnader, lausøyre,maskinar, køyrety m.v.
Ingen søkjar har krav på tilskot.
3.KRAV TIL SØKJAREN / SØKNADEN:
Næringsfondsmidlar kan søkjast innan 1.februar kvart år (blir kunngjort i bladet "Valdres".)
Det skal nyttast fastsett søknadsskjema.
Søknaden skal sendast Vang kommune v/rådmannen.
Søknad skal sendast FØR prosjektet blir igangsett.
Det kan unntaksvis godkjennast at prosjekt som det vert søkt om tilskot til kan vere igangsett sidan siste søknadsfrist. Søknaden bør då fremjast umiddelbart sjølv om søknaden fyrst blir å behandla ifm den årlege søknadsrunden.
Kommunen sin næringskonsulent kan gje råd og rettleiing i søknadsfasen.
Søknaden skal innehalde opplysningar om :
• Søkjaren og verksemda; Eigartilhøve, leiing og organisasjon, utdaning,praksis o.l
• Føremålet med søknaden
• Storleiken på søknadsbeløpet.
• Forretningsplan/ herunder målsetjing for prosjektet/verksemda
• Kva verksemda omfattar (produktbeskriving)
• Marknads- og salsaktivitetar
• Kostnadsoverslag og finansieringsplan
• Storleik/omfang på verksemda, tal på arbeidsplassar m.v.
• Framdriftsplan for prosjektet
• Andre relevante opplysningar; t.d. kan kopi av næringsoppgåve/sjølvmelding leggjast ved
4.STØTTEFORMER OG STØTTEVILKÅR
Midlane kan gjevast som tilskot til dei føremål som er nemnde i pkt. 1 og 2.
.
Midlane kan brukast til aksjeteikning og andelskjøp
(Aksjeandel kan ikkje vere over 30%, jfr. vedtekter for næringsfondet).
Storleiken på tilskotet skal fastsetjast i kvart einskild tilfelle etter søknad.
Ved vurdering av kor stort tilskot som skal gjevast, skal det leggjast vekt på verdien prosjektet har for å skapa nye arbeidsplassar og sikra sysselsetting.
Vidare skal tilskot vurderast i høve til søkjaren si eiga evne til å finansiere prosjektet, og tilskot frå statlege finansieringsinstitusjonar ( Innovasjon Norge, Bygdeutviklingsmidlar (BU) eller andre).
Tiltak som kan finansierast innafor rammene av slike ordningar, fell i utgangspunktet utanom denne kommunale tilskotsordninga.
Ved evt. samfinansiering må det takast omsyn til gjeldande regelverk for samla offentleg støtte.
5.BEVILGANDE MYNDIGHEIT
Ramma for denne tilskotsordninga blir fastsett av Vang kommunestyre gjennom det årlege budsjettvedtaket.
Formannskapet avgjer korleis midlane til næringsutviklingsarbeid i Vang kommune skal fordelast. Rådmannen gjev tilråding.
Rådmannen har delegert myndigheit til å gje tilsagn i saker som vert sett på som relativt
kurante, innafor ei øvre grense på kr 25.000,- i det einskilde tilfelle. (Kl § 23-4).
6.UTBETALING
Utbetaling av tilskot skjer når Vang kommune ved rådmannen har fått stadfesta at verksemda er igangsett i samsvar med gjeldande retningsliner og søknaden.
Etter ynskje frå søkjar kan inntil 50% av tilsagt beløp tilvisast når minst ein tilsvarande del av tiltaket er dokumentert gjennomført.
7.BORTFALL AV TILSAGN OM TILSKOTT
Dersom søkjar ikkje tek kontakt med kommunen ved rådmannen innan to år etter utgangen av det året tilsagnet er gjeve, fell dette bort.
Kommunen kan ved særlege høve forlenge fristen for utbetaling med inntil eitt år.
8.REKNESKAP
For dei tiltaka som blir tildelt midlar skal rekneskap og prosjektrapport som viser at midlane er brukt i samsvar med føremålet sendast Vang kommune.
9.ENDRING I RETNINGSLINENE
Kommunestyret kan endre desse retningslinene for tilskot til næringsutviklingsarbeid i Vang kommune, dersom praksis og behov tilseier det.